PASADENA, Calif. – Abril 25, 2025 – Sina Filiberto Gonzalez (CEO ng Pacific Community Fund), Maria Bojorquez-Gomez (Director of Operations), at sustainability consultant na si Aura Vasquez ay kamakailan lang lumahok sa Charging Ahead: Cutting Vehicle Pollution During the New Trump Years — isang makabuluhang symposium na inorganisa ng Emmett Institute on Climate Change & the Environment sa UCLA School of Law.

Kasama nila ang mga abogado, estudyante ng environmental law, aktibista, miyembro ng komunidad, at mga opisyal ng gobyerno — kabilang si California Attorney General Rob Bonta na sumali online para sa live Q&A. Napag-usapan dito ang mga bagong paraan kung paano binabawasan ng mga lokal na gobyerno ang polusyon sa transportasyon, lalo na tungkol sa pagbibigay ng patas na access sa mga electric vehicle (EV) sa mga disadvantaged communities sa California.

Noong Marso 12, 2025, ang abogado ng PCF na si Salomon Zavala ay naghain ng motion for party status sa isang kaso sa California Public Utilities Commission (CPUC). Layunin nitong bantayan ang pangako ng CPUC na pondohan ang pag-install ng mga public EV charger sa mga low-income communities. Noong Marso 24, pinayagan ni Administrative Law Judge Marcelo Lins Poirier ang PCF na maging opisyal na party sa usaping ito matapos ipakita ng PCF na may sapat silang dahilan.

Sa nakalipas na ilang taon, nakipag-partner ang PCF sa Pacific Gas & Electric Company para ipakalat ang impormasyon sa mga tax credit na pwede makuha ng mga pamilyang bibili ng secondhand na EVs sa Northern at Central California. Sa aktwal na karanasan nila, nakita nila kung paano nahihirapan ang mga low- to moderate-income communities na makinabang dito dahil kulang ang mga pampublikong EV charger sa kanilang lugar o apartment complexes.

Dahil dito, nagdesisyon ang PCF na maghain ng reklamo sa CPUC para matiyak na maibibigay na ang mga nakalaang pondo para sa disadvantaged communities. “Okay ang mga fiscal incentives mula sa state government para mag-promote ng EVs, pero hindi sapat kung hindi naman pinapalawak ang access sa chargers, lalo na sa mga underserved communities. Naniniwala kami na makakatulong ang reklamo namin para itulak ang estado sa tamang direksyon,” pahayag ni Salomon Zavala.

Dagdag pa ni Aura Vasquez, sustainability consultant ng PCF: “Habang pinagdadaanan natin ang mga hamon sa kasalukuyang administrasyon, mahalaga ang papel ng California sa pagtulak para sa malinis na transportasyon lalo na sa mga komunidad na matagal nang apektado ng polusyon at climate change. Ang ginagawa ng PCF ay tunay na naglalaban para sa hustisya ng mga komunidad na kadalasang napapabayaan.”

Tungkol sa Pacific Community Fund

Ang Pacific Community Fund ay isang 501(c)(3) nonprofit na certified ng U.S. Department of Treasury CDFI Fund at ng Small Business Administration (SBA) bilang isang Microlending Intermediary. Layunin nilang magbigay ng importanteng pinansyal na suporta sa mga low-income communities sa buong California. Alamin pa sa https://pacific-fund.org.